السنة التحضيرية للكليات الطبية في سوريا 2020/2021
منبدا أول بوست تعريفي عن السنة التحضيرية بشكل عام وبعدين ببوستات تانية رح نحكي عن كل فرع طبي بالتفصيل
السنة_التحضيرية
1️⃣ رح نخبركن شغلة حلوة عن هالسنة هي
اول شي عندكن فرصة انو تجربو الكليات التلاتة؛ طب بشري-صيدلة-طب أسنان 😍
وتشوفو شو يلي بناسبكن اكتر واي فرع حسيتو انكن مرتاحين فيه 😁
قبل كانو يفوتو الفرع وخلص نقطة انتهى.!!
طيب..وبركي كنت شايف حالك فيك تكمل مثلا وماطلع الفرع مناسب لالك!!؟
فهي احدى الميزات الحلوة
بعدين شغلة تانية
2️⃣ رح تكونو طلاب 3 كليات يعني رح تتعرفو عناس كتير ورح يصير عندكن اصدقاء كتير منن مناح وبجننو وبصيرو اهلكن وعيلتكن ومتل اخواتكن
بالنسبة للمواد: رح تنقسم ل 5 بكل فصل :
موادالفصلالاول:
1️⃣الفيزياء الطبية : بتحكي عن الاشعاعات وكيف منستخدما بالامور الطبية وتقنيات الامواج الصوتية والليزر واستخداماتها😅مادة حلوة بدا شووية فهم : عقدة الطلاب بس انتو قدا بشوية فهم ومتابعة كل محاضرة بمحاضرتا بتنفهم مااحلاها
2️⃣الكيمياء : هي منشان الصيادلة
مادة حلوة كتير ومواضيعا نفس البكالوريا تماااما
المنهاج من جامعة كامبرج
3️⃣تاريخ الطب :⛔️⛔️❗️❌
هالمادة يمكن تستغربو وجودجها بس هي مادة حلوة ومعدل انشالله بس بدا شوية دراسة من اووول الفصل..صحيح كلا اسماء بس مابيجي هيك شي صعب اهم شي الكتب الشهيرة واعمال الاطباء العرب
4️⃣البيولوجيا : هي خلايا وغشاء خلوي وسيتوبلاسما 😊 بتحكي عن مكونات الكائن الحي الأساسية واللي هية الخلايا بكل تفاصيلها 😍 من احلى مواد الفصل الأول
5️⃣اللغة الانكليزية :(الجزء الاول)
مادة ممتعة كتير وسهلة حتى تخيلو انو بتتلحق قبل الفحص
المنهاج من جامعة اوكسفورد
مواد الفصل التاني :
1️⃣الوراثة : المادة الأصعب خلال هالفصل 😑 بس صدقوني انو من أجمل المواد إذا عرفت تدرسها صح… بدها محاكمة عقلية يعني فهم مع شوية حفظ وعلامتها بتكون مضمونة 😇
2️⃣التشريح : هي المادة الحلوة الصعبة بنفس الوقت 🙃 بدا فهم اكيد مو بصم وبتصير ولا اسهل من هيك ✌️ شوفو فيديوهات بتفيدكن كتير❤️
3️⃣الفيزيولوجيا : المادة الكثيفة بمعلوماتا بتحكي عن وظائف الاعضاء….بس عادي تابعو مع الدكاترة وحاولو تفهموها فهم بطريقتكن انتو ومابيمنع بعض الاشياء تحفظوها
4️⃣الاحصاء الطبي : مادة الارقام 1 2 4 5 6 ☺️
هي يلي بيحب الرياضيات مشان مايزعل♥️
فيا قوانين غريبة بس بيمرقو□مانن صعبين□ وفيا نظري هاد مساعدة
بدا تنظمو دراستكن فيا وبتفرموها فرم
5️⃣اللغة الانكليزية :(الجزء التاني)
عبارة عن تكملة الجزء الأول وحلوة متلهاا
منجي_للسلبيات❗️❌
هلا طريقة الدراسة غير البكالوريا تماااااما
مافي اشرح وفسر وعلل وعدد لا مو هيك! حتكون اسئلة اتمتة-نظام اميركي- حتى طريقة دراستك مو بتمسك الكتاب وبتبصم مابتمشي هيك
لازم تقرا الدرس وتركز عالاشياء المهمة بتكتسبو خبرة بعدين
رح تشوفو انو تغير عليكن الجو اكيد هالشي طبيعي كونو اول سنة جامعة غير المدرسة بس بتتعودو بعدين
كمان صار عندكن بكالوريا تانية
بس لا تخافو مافي شي سهل😑
كلشي بدو دراسة مافي شي بيجي لحالو بدون تعب
ومافي احلا من لحظة تطلع النتيحة وتكون مرفع كل المواد وبعلامات حلوة 😍
موفقين_اصدقاءنا
اعملو تاغات لرفقاتكن المهتمين .. واللي حابين تقنعوهن وتعرفوهن بالفرع
تابعونا لنكمل سلسلة بوستاتنا ونحكي عن الطب البشري _